影片
更多
2007-11-26
15 浏览
星期日晚去到呢个Pizza铺，之前经过多次都无机会帮衬，见佢地次次都咁多人应该有啲料到，难得今晚得闲不如试下啦。结果.....两个人叫咗Caesar Salad 同12" Sicillian pizza. 个salad 十五分钟就到，不过dressing 重手咗啲，少啲汁会好味好多。重有...正式嘅Caesar Salad应该有少少anchovies(咸银鱼)吊味但呢度嘅无，不过理解香港人未必接受到anchovies嘅味度，所以可以理解嘅.个PIZZA就失望咗啲。唔系话唔好味，不过个饼底就真系太浓啦。食完十只手指头黑麻麻好似去完BBQ加炭咁。呢个现像喺我左右两枱客都有出现。不过公平讲句，佢地以经好味过Pizza Hut啲"乜乜痴心批""乜乜烧鸭批"好多了。下次唔该焗少两分钟啦....服务方面: 有礼貌，人手够，不过有点儿鸡手鸭脚。隔离枱落咗order，饮嘢来齐但食物order唔见咗。个老细重好大声问"𠮶枱客净系叫嘢饮咋?!"。因为啲枱真系好迫，所以乜都听到晒。重有... 右面张枱食唔晒个pizza叫佢地揾个纸袋装起take away，好赫然咁见个waiter竟然用口吹开个纸袋，然后放件
两个人叫咗Caesar Salad 同12" Sicillian pizza. 个salad 十五分钟就到，不过dressing 重手咗啲，少啲汁会好味好多。重有...正式嘅Caesar Salad应该有少少anchovies(咸银鱼)吊味但呢度嘅无，不过理解香港人未必接受到anchovies嘅味度，所以可以理解嘅.
个PIZZA就失望咗啲。唔系话唔好味，不过个饼底就真系太浓啦。食完十只手指头黑麻麻好似去完BBQ加炭咁。呢个现像喺我左右两枱客都有出现。
不过公平讲句，佢地以经好味过Pizza Hut啲"乜乜痴心批""乜乜烧鸭批"好多了。下次唔该焗少两分钟啦....
服务方面: 有礼貌，人手够，不过有点儿鸡手鸭脚。隔离枱落咗order，饮嘢来齐但食物order唔见咗。个老细重好大声问"𠮶枱客净系叫嘢饮咋?!"。因为啲枱真系好迫，所以乜都听到晒。
重有... 右面张枱食唔晒个pizza叫佢地揾个纸袋装起take away，好赫然咁见个waiter竟然用口吹开个纸袋，然后放件pizza入去！大佬呀，家阵街边卖鸡旦仔咪!!!! 卫生啲啦!!!!
下次我都系去番Pepperoni's 同Firepit好啲喇....
张贴