Wish You A Mamaday (已結業)

今天難得約左人落去銅鑼灣，想搵一間具特色而又適合打卡的餐廳，於是上網揾，便搜尋到這間網上評分都幾高的餐廳，餐廳位置就位於京都廣場的10樓（銅鑼灣站C出口的斜對面），真的好方便。去既時候是中午1點鐘到，人比較少，坐位多，選了舒服的卡位。看了看午餐的餐牌，價錢定位相對貴，最低消費都要89元，自然對食物質素有期望，不過依家做緊4人同行，1人免費。點了燒汁豬軟骨蛋包飯，上來的時候賣相幾好，而且豬軟骨炆得幾腍，蛋又幾滑，味道都不錯，而餐茶點了蜂蜜紅茶，溝左蜂蜜都幾清甜，不過餐湯（栗米湯）就有點失望，沒有特色和較清淡。總括來講都不妨一試，而且都好多打卡位，但價錢略嫌偏貴，如果有所下調就更好。