一鼎茶

营业中

休息中

🧀芝士桂花乌龙+纯茶饮开废水既我对芝士奶盖情有独钟，一定要试呢杯！芝士奶盖好浓芝士味，好香，饮落有种咸香，再饮落去就饮到桂花乌龙嘅茶香，系有种花茶嘅香味，再加埋普通嘅茶叶，一杯有三种味道，三种层次，好绵滑嘅感觉！🍓莓芝莓芝呢杯就系沙冰，全场第一既茶饮，其实就系芝士草莓，同样香浓嘅芝士奶盖配上用新鲜草莓打成嘅沙冰，饮到有粒粒草莓肉，酸酸甜甜，再混合埋芝士嘅咸香，系好配搭嘅味道，加上沙冰索索声既口感，无咁单调，饮完好清凉，夏天饮就最岩！呢度铺头细细，但装修都有心思，简约得黎有啲少女心，而且每杯唔驶得好耐，好有效率！