吞POT 雞煲火鍋.住家菜

营业中

休息中

见到餐厅个名咁得意，其实一直都想试下今日终于有两个朋友陪我打边炉啦！餐厅位于人来人往嘅弥敦道嘅一栋大厦里面，虽然要上楼但位置十分方便餐厅胜在选择多，除左传统嘅惹味辣鸡煲之外，有唔少健康嘅选择，老少咸宜今日因为有一位朋友唔食辣，所以我地叫左养生花胶鸡煲，打破左‘打边炉就等于热气’嘅观念个汤底真系无得输，花胶同鸡都够晒足料，个汤十足十好似住家老火汤咁浓味同滋阴，饮完觉得好幸福啊火锅材料方面，我地叫左好多野食，其中嘅爆芝响铃真系必食首选我平日一向中意食脆卜卜嘅响铃，而依个响铃嘅口感同味道都一流响香脆嘅响铃里面壤左流心嘅芝士，连一向唔特别中意食芝士嘅我，都觉得成个配搭好新鲜，好好食啊虽然爆芝响铃嘅价钱唔平，不过真系值得一试！下次再黎都会再叫