影片
更多
2011-04-21
446 浏览
只睇 openrice 食评，好多食客大赞好味道、碳炉够原始又特别，及略略提过下舖头位置处于巷仔中。真系未去过都想象唔到环境十分恶劣，我都系第一次行到去都会犹豫帮唔帮衬，有想逃走既感觉。后巷、坑渠、水氹、垃圾、残破。依家连碳炉都取消左，环境又呕心，食物味道又一般，服务又麻麻，海鲜又非常贵，不过真系有好多持别既食材，如牛鞭、牛波子、鱼春、鲨鱼肉，等等。四川酸辣汤底，最初朋友想要醉鸡，但我一心想试特别野。个酸辣汤酸就好够酸，不过唔够辣，酸味好抢。配菜有少少什菜、酸菜同硬豆腐，味道都系一般，不推介。大蚬，无火 gas 炉慢烤，个炉得约 50% 位置有火，火又慢，真系等到唔耐烦，好鬼无瘾，见隔邻枱火势红红，话咁快就有得食，食饱埋单，但我地都未到中场。大蚬都好新鲜，全部都仲识得郁架，但养得未够，依然好多泥好多沙，味道都好鲜甜，又大只。无碳炉、个 gas 炉又无咩火，我就周身火，烧好耐先烧熟，仲要每次烧得两三只，要不停咁帮佢地掉位，食到一肚气。( gas 炉的试练 )烧大蚬，好新鲜，睇吓佢钟于开口大叫快啲食我啦 ﹗等成十几分钟，顶 ﹗都未试过咁鬼耐，个 gas 炉无料到。睇吓几鬼多泥同沙，要揾水冲
四川酸辣汤底，最初朋友想要醉鸡，但我一心想试特别野。个酸辣汤酸就好够酸，不过唔够辣，酸味好抢。配菜有少少什菜、酸菜同硬豆腐，味道都系一般，不推介。
大蚬，无火 gas 炉慢烤，个炉得约 50% 位置有火，火又慢，真系等到唔耐烦，好鬼无瘾，见隔邻枱火势红红，话咁快就有得食，食饱埋单，但我地都未到中场。大蚬都好新鲜，全部都仲识得郁架，但养得未够，依然好多泥好多沙，味道都好鲜甜，又大只。无碳炉、个 gas 炉又无咩火，我就周身火，烧好耐先烧熟，仲要每次烧得两三只，要不停咁帮佢地掉位，食到一肚气。( gas 炉的试练 )
烧大蚬，好新鲜，睇吓佢钟于开口大叫快啲食我啦 ﹗等成十几分钟，顶 ﹗都未试过咁鬼耐，个 gas 炉无料到。睇吓几鬼多泥同沙，要揾水冲冲去先可以放落口，淡鬼晒。
虎虾，游水虾，劲生猛活跃，系只碟上面系咁郁，想逃走，好采全部都用竹签串住，唔走得去边。好多膏呀，美味。虾肉味浓，弹牙鲜爽，系整顿晚餐最正既食物。
贵妃蚌，超级巨形，同我手掌差不多大，劲重手。花左好长时间用个无火 gas 炉烧熟佢地，无落任何调味料，点解咁咸既，真系好咸，海水味好重，肉质虽鲜嫰，但实在太咸，到底食肆系用天然海水定人工海水养呢？
本地活墨鱼刺生，无咩味道，口感就好爽口好新鲜，啲须既吸盘仲吸实只碟架。生食好淡口，灼一灼加少少豉油，口感爽，味道鲜，煮完仲好食过生食。原本系活黑鱼三食，黎左两样，仲欠碟墨鱼滑，问个阿叔，佢居然话片仲好过墨鱼滑啦，今日无墨鱼滑供应。我讲紧欠我地一碟墨鱼滑呀，唔系 order 一碟墨鱼滑呀，咁我条墨鱼去左边呀？到最后都系无比返碟黑鱼滑我地，谷鬼气。( 消失的墨鱼滑 )
鸡子，用花雕浸住，食落有淡淡酒香，不过不失啦，但似乎浸得过龙，有些微过腍，弹性不足。
手切本地肥牛，睇个卖相已觉唔多掂，瘦猛猛咁，食落真系一般街市普通货式，无咩牛味，又鞋又靭，唉。
美国肥牛，因试左个好唔掂既本地手切，所以专登叫其他试试。个卖相都好搞笑，真系未见过切都成个壳咁，哈哈。比手切本地好少少啦，都系唔好得去边架喇，只系较滑较有牛味啰。
鳝片，似乎系白鳝碌唔系片㖞，个 menu 有误导之厌，碌系有骨、片系已去骨同切双飞，差好远㖞。朋友们坚持全部烧，唔烚，无所谓，就烧黎食啰。睇相以为好大条，其实好细条架乍，不过都够肥，所以烧起黎都有足够鱼油，够晒香，食落肥美，皮烧得香脆咽靭，正呀。
象拔蚌刺生，又比阿姐误导，佢话象拔蚌仔，我地仲以为系连壳既细只象拔蚌仔，原来佢系话紧细只象拔蚌，唉。完全唔掂，淡到近乎无味，又唔够爽脆，返而烚左仲好食过生食，唔掂。
鱼春，劲开心呀，居然有鱼春供应，我最钟意食鱼春。阿姐教路话要捞埋佢地既秘制酱料先可以烧。烧得干干的，好香口又甜美，几好几好。我较为喜欢烧得湿润，但朋友们喜欢好干的呢，各有各好。( 混酱鱼籽的背叛 )
鲮鱼滑，完全唔胶，烚完食落口感死实，差。
午餐肉，简直系全晚既灵魂，如果无佢就真系无啖好食。
埋单总数 HKD1400，三个人好贵呀，一啲都唔值，写左咁多编食评，今次系第一次全部比 1 分，劣得紧要 ﹗
张贴
