影片
更多
2008-12-13
17 浏览
早排听同事讲佢新开张, 打哂太鼓又请明星剪彩咁, 我谂个老板一定好有面子; 见间野咁舖张, 前日放lunch同数位同事去试下佢地既set lunch, 回响不俗! 我叫左个牛肉手打乌冬配蕃茄汤底, 另外同事分别叫左天妇罗手打乌冬配日式汤底、牛仔骨定食同埋滑蛋鳗鱼饭; 可能我地响早左放lunch, 上菜既速度都算快。牛肉手打乌冬: d肥牛煮到半生熟, 一d都唔"un"; 虽然讲唔出手打乌冬同普通乌冬有咩唔同, 但系一食落个口感就知有出入; 个汤底饮得出真系真材质料, 好浓厚既蕃茄味, 仲有六七旧蕃茄响入面添~ 另外随餐附送寿司一客, 当日就简左加州卷(四件)share。天妇罗乌冬: 时间要耐d, 可能要炸; 有虾又有蕃薯南瓜, 不过d粉略为厚左d, 一落枱就发觉冇我地平时食天妇罗既汁, 打算追问场内侍应, 截住左一个著住西装既姐姐, 佢耐心咁解释个乌冬汤底可以充当酱汁, 佢亦都冇强迫我地唔好要个汁, 够专业~牛仔骨定食: 平时出街食d牛仔骨件件都系得旧骨, 但系今次就冇咁严重, 五旧入面有三旧好好肉, 可算系好彩; 同样系一d都唔"un", 好够味, 唔会过咸~滑蛋鳗鱼饭: 本身我都打算
牛肉手打乌冬: d肥牛煮到半生熟, 一d都唔"un"; 虽然讲唔出手打乌冬同普通乌冬有咩唔同, 但系一食落个口感就知有出入; 个汤底饮得出真系真材质料, 好浓厚既蕃茄味, 仲有六七旧蕃茄响入面添~ 另外随餐附送寿司一客, 当日就简左加州卷(四件)share。
天妇罗乌冬: 时间要耐d, 可能要炸; 有虾又有蕃薯南瓜, 不过d粉略为厚左d, 一落枱就发觉冇我地平时食天妇罗既汁, 打算追问场内侍应, 截住左一个著住西装既姐姐, 佢耐心咁解释个乌冬汤底可以充当酱汁, 佢亦都冇强迫我地唔好要个汁, 够专业~
牛仔骨定食: 平时出街食d牛仔骨件件都系得旧骨, 但系今次就冇咁严重, 五旧入面有三旧好好肉, 可算系好彩; 同样系一d都唔"un", 好够味, 唔会过咸~
滑蛋鳗鱼饭: 本身我都打算食佢个滑蛋系列, 但落单果阵个侍应提一提我话图中果碗野唔系蒸蛋, 只系蛋汁, 即转~ 同事个feedback就话d鳗鱼好大片, 数量唔少, 个蛋汁唔错, 捞饭好开胃!
顺带要讲讲场内装修, 大多以茶色镜为主, 寿司吧中间有条柱, 我谂系天花支柱, 柱身四边都有镜, 减轻左佢个碍眼度...但系我就觉得地方略为浅窄左d, 我地果日坐卡位, 后面就系bar枱, 有人坐果阵条走廊真系好迫; 至于洗手间(佢地有块布写住"御手洗"), 唔好提, 男女厕各一格, 中间果格好似锁左咁, 冇人出黎, 共用洗手盆, 仲要系露天...旁边有个架用黎装d碗碗碟碟...
服务方面都唔系差, 一坐底就有人斟水同比wasabi, d wasabi系另上响只碟仔度, 唔似出面要"北", 仲"吱"得好靓添~ 不过未入去之前响门口果阵, 个接侍姐姐好似未瞓醒咁, 我地话想坐卡位但系佢都唔系好知咩黎, 仲系咁问我地想坐order枱定系bar枱, 态度仲唔系咁好, 讲拜拜果阵好假, 要改善。
问返果位西装姐姐先知, 佢地set lunch供应时间系由12pm至5pm@@ 仲要唔加一, 抵食! 会再返去食, 我谂好快呢间江川寿司会成为铜锣湾另一打工仔饭堂~
ps 睇过下佢地个main menu, 都几吸引, 揾日放工一定要试下~^^
overall我会比5分。
张贴