榕記車仔麵 (已結業)

又回到九龙城！朋友话唔一定又食泰国菜既！推介我地试呢间车仔面！见到都有唔少熟客bo!虽然话就话系车仔面，但系都见到有唔少特色嘅汤底可以选择！好挣扎究竟要胡椒猪肚汤，定系酒香药膳鸡汤好，最后要左后者。鸡汤清甜浓郁，可以饮到好香嘅当归味。面筋烟韧， 吸收晒汤底嘅精华，冬菇亦够林。店员推介呢度嘅菜甫煎蛋，鸡蛋应该加咗少少鸭旦，非常香，菜甫爽口又唔会觉得苦，的确值得推介！另一个𩠌系咖喱鱿鱼，店员好细心咁样将个鱿鱼另上，咁啲咖喱汁就唔会捞埋落个汤底度啦！鱿鱼好爽口弹后咖喱汁鲜甜，不算太辣。总结觉得餐厅嘅汤底的确几有特色，打破咗一向以来车仔面嘅传统，有点新意！