天祥飯店

营业中

休息中

跟老友记好耐冇去过大牌档擦餐劲嘅。耀东街一带已食过好多次，亦去过小菜王及增辉，但就未帮衬过呢度，决定驱车前往..一去到，灯火通明，枱櫈摆到一街都系，各食客尽情举杯宣饮，大口大口𩠌吞落肚，真不枉被称为平民夜总会...精神为之一振，即刻拣过近师傅埋炉嘅位坐低。好多人唔钟意呢度(因为太热)，但我就最钟意，睇D师傅以九秒八嘅速度完成一碟菜，实在系赏心乐事...食欲亦为之一振，马上整个椒盐鲜鱿、虾酱通菜牛肉及猪润啫啫鸡煲。睇见D炒饭几靓，于是再追加个咸鱼鸡粒炒饭，哗，你话点食得晒...好耐冇食过出色嘅椒盐鲜鱿，竟然系呢度俾我遇到--- 炸粉够薄，完全食到鱿鱼鲜味，味并不死咸，绝唔好似其他铺头𠮶D出品，食完要猛咁灌水...通菜大大碟，好新鲜，牛肉有少少用松肉粉腌过，味道梗差D la，虾酱味不够浓，总体水准稍差，不过炒得够晒镬气，又够大碟，加番分...啫啫鸡热腾腾，睇见都吞晒口水。咬一口鸡，虽然系冰鲜货，但颇滑，用嚟送饭确系一流；猪润大大片，系新鲜货，可惜煮得过老，有少少苦，浪费咗D靓猪润...炒饭又系够晒大件头。咸鱼用梅(绝不可用呢个"酶"字)香，真系又梅又香，鸡粒并唔可以称之为粒，应该叫鸡柳或鸡