川味坊 (中海日升中心) (已結業)

之前朋友介绍黎呢间到食午餐，因为系小店，大约得28个位，所以午餐真系会等得耐少少，上次食完觉得几好味，一于七夕同家人食多次，因为收工时间去食就完全唔洗等位，推介左家人食酸辣捞猪扒米线，见到有汤米线就试下啦，叫左个麻辣猪软骨米线中辣走青，猪软骨好软身，有两旧，个汤底都算清而且冇乜油，辣味都够嘅，不过就好似普通左少少，唔能够令我一试难忘。猪扒捞米线就好好味，个汁向底要捞匀先好味，酸菜够多(lunch冇咁多架)，花生够香口，猪扒够入味，唯一不足系份量少，不论猪扒定米线，女士食就刚刚好，男士就会唔够饱，希望可以增加返个份量啦～