好煮意 (已搬遷) 新店位置

七夕梗系要食足七餐贺吓佢啦！早餐灿记三𩠌巨形三文治、午餐蔡润记鱼蛋粉加底、下什茶林记排骨饭，依家晚饭到好煮意醉鸡煲，已经好饱啊 ﹗化悲奋为食欲，下星期先减啦 ﹗食过翻寻味 ﹗第二次黎帮衬。有过上次既经验，今次坚持等主舖，干净光猛舒服又清静好多。 药膳鸡煲细，唔洗叫咁多鸡，两个人食碗细够啦，要留肚试其他野麻。虽则鸡件未到新鲜鸡咁好食，不过都食得出有淡淡鸡味。虽则略肥，不过都唔会成煲油。肉质滑溜有咬劲，薄薄一层皮，肥膏唔会太多，加上香浓又唔会过甜既醉鸡汤底，满意既。如果多一点酒香，又多一点孳材，而少一点甜就更正喇。大火滚起就落鸡，再大火滚起就熄火浸到鸡熟为止，咁鸡肉就够晒嫩滑喇，美味 ﹗汤底香浓，甜味、药材味都好平均，好好饮啊。活九孔鲍，仲识郁架㖞，今日啱啱返啦。生坳坳成只掉落汤度，几分钟食得。搣走食道同个咀就可以成只啪入口，肉质非常弹呀啊 ﹗千奇唔好掉左我最爱既内脏呀，我全家都挣住食依旧似润既部份，精华所在 ﹗味道甘香，质感同鸡润差不多，不过更软棉更多汁，而且带海鲜既鲜味，正呀 ﹗手切本地新鲜肥牛，虽然无上次咁肥美油润，不过都一样美味 ﹗滑中带咬口、浓味中带鲜甜，新鲜最紧要，好食啊 ﹗今