Hello Kitty le petit cafe (已結業)

试业期间手忙脚乱， 我要红苹果但佢俾错咗个青苹果我， 返到屋企先发现，好彩两款都只系表面啲jam 味道不同，入面是一样的。 其实对芝士饼期望唔高，我个人不太喜欢食𠮶啲好rich 好腻好硬个只，但呢个饼做得好有层次，入面有软芝士之外仲有海绵蛋糕，食到苹果中间居然有啲苹果肉，好惊喜! 而Passionfruit chocolate dome, 外面用热情果jam带少少酸的味道，入面系海绵蛋糕，最中间先有一块朱古力mousse, 蛋糕口感软绵绵， 不太甜，好味! 七彩缤纷嘅Macaron有十一种口味，每个都有个可爱猫样　买咗两个分别系绿茶味及杏仁味，macaron 外层酥脆内层烟韧，绿茶味个款绿茶味不浓，但两款都有浓郁的杏仁味。