La Famille (已搬遷) 新店位置

见人post 相 post 得多，附近竟然开左间 La Famille ， 当然约埋另一个七月之星齐齐返公司开个静鸡鸡的 party ! 离远已经见到，一个个迷你蛋糕用玻璃盖盖住，色彩缤纷好吸引。睇卖相就知，系高级野。Cake shop 虽然细细，但竟然有坐位，环境不错。但系我地都决定 take away 留返 tea time 慢慢叹。我地每人拣左一件心头好，分别系 「英国伯爵茶 」同 「皇牌士多啤梨」， 每件都系五十几蚊咋。店员好细心咁帮我地包好两件蛋糕，仲会用胶纸固定底纸，令两件 cake 唔会 fing 来 fing 去， 赞 ！ 仲有大size 蛋糕，不过应该要预订。小心翼翼回程了！3 点 3，迷你派对开始 。WoW..........Happy Birthday ！ 皇牌士多啤梨唔算大粒，但好甜。蛋糕系轻软的空气感，小小士多啤梨味。cream 都系比较light, 唔会漏。英国伯爵茶既蛋糕底好香茶味，伯爵茶控必试！而上面的小粒 macaron 系点睛之作，细细粒，甜而不腻。两件的蛋糕同cream 都唔算好甜，食完唔会饱滞，啱晒tea time 食 ！