八月天 (已結業)

又系工厂区食晚饭，星期五晚都唔洗好似出面咁排长龙。上到去门口好似冇餐廰名，但对个地址又岩，所以就入左去。入面装修唔豪华，有Ｄ80年代嘉年华感觉。要特别告介打算泥食既朋友，唔赶时间先好泥，Ｄ野食上得好慢，等到我地胃酸上面。比负评唔系话佢难食，只系等到花儿也谢了～先泥既系自家浸蕃茄，配上酱汁，淡淡地感觉清新。再泥系蕃茄蓉汤，口感不算太幼滑亦不太粗糙，酸酸地同平时出面饮的不同。蒜蓉包好松脆 食完前菜，等左一粒钟，主食终于上枱，「鸡肉烟肉长通粉」个碟好大，但中间装送位好细，饿到极点既外星人真系超担心唔够食。唔知系咪太肚饿，觉得好好味，酱汁调配同烟肉鸡肉好夹，用料唔马老虎，亦唔会好漏。再泥系「黑松露野菌意大利饭」，个饭湿左Ｄ，但好有黑松露味，Ｄ野菌款款都唔同味，几得意。餐饮选左西洋菜蜜甜品系奶冻，好有奶味，不太甜饭后总结，虽然份量睇落好少，但外星人都可以食饱饱离开。但９点离开，落到大堂竟然锁左闸，仲要冇管理员，揾左好耐先知要坐ＬＩＦＴ落停车场走，真系吓亲。不过八月天应该系家庭式经营，用料唔错，只系太多人时未必应付到。