東海滬 (已結業)

同阿妈庆祝生日，总共有成17个人。谂住开两枱叫两个八人餐在睇吓加啲乜嘢食。可惜佢已经冇做呢个套餐喇！但是侍应话可以将六个人餐嘅价钱÷6乘返八做返一个八人餐嘅份量。但系嘢食睇落去嘅吸引力不大,所以决定散嗌。头盘叫咗呢几样，流心蛋不错，醉鸡就无酒味。钟意食上海粗炒同埋炒年糕，侍应有提我地上海炒年糕同上海粗炒嘅味道会一样，所以建议我哋年糕用雪菜炒。食到最尾觉得唔够仲要加多个炒饭。叫咗香酥鸭佢有面皮俾我哋包，但始终唔明白点解呢个𩠌嘅鸭系有骨😅 点心方面叫咗小笼包同埋生煎包。酸辣汤冇得一锅上，只可以一碗一碗咁叫。但呢个酸辣汤真系又唔酸又唔辣啰由于都系唔系几够食所以叫咗个生炒骨。甜品冇叫因为自己又准备蛋糕，而侍应都好主动话帮手同我地影大合照同正宗上海菜一样每碟嘅份量都唔会好大，所以叫咗好多野之后都仲要加炒饭同埋生炒骨。