影片
更多
2013-07-12
37 浏览
上个礼拜六，系我同女朋友拍拖七周年纪念日，事前已搜索咗几间餐厅，最后选咗Gooday Cafe。无他，因为听朋友介绍话宜间餐厅很浪漫，所以，一于喺我哋嘅Good Day 到Gooday啦！(希望唔好俾人话我烂gag啦… )讲返间餐厅啦，装修以白色为主色，俾我嘅感觉真系好似婚宴场地，再配上晚上柔和嘅灯光，一个字，「好靓」！一坐底，有礼嘅店员已为我哋奉上餐牌及花茶，跟住细心咁为我哋简介佢哋嘅食物。最后叫咗两个Set Dinner。洛神花包同粟米忌廉汤︰件包真系好有Surprise，中间嘅芝士同花肉好夹，之后忍唔住Encore咗两件外卖。至于个汤，有好多粟米，好Creamy，连唔系好饮白汤嘅女友都饮哂。黑松露天使蛋︰外型靓，味道唔错，个蛋黄应该调过味，女友唔食蛋黄，俾我食埋添。田园沙律拌蜜糖芥末酱︰菜新鲜，拌埋个辣辣哋嘅酱，都几过瘾。焦糖菠萝︰新鲜菠萝配上层脆脆焦糖，又系无得输啦。忌廉三文鱼汁海鲜扁意粉︰原本宜个系我点嘅，但女友见到个心型碗，就抢咗去食。个汁应该有芝士同柠檬汁，令忌廉汁食起嚟冇咁Heavy。啲虾好大只，鱿鱼苏好爽口，啲扁意粉几有咬口。芝士蕃茄香茅猪颈肉焗饭︰估唔到，茄汁、香茅
讲返间餐厅啦，装修以白色为主色，俾我嘅感觉真系好似婚宴场地，再配上晚上柔和嘅灯光，一个字，「好靓」！一坐底，有礼嘅店员已为我哋奉上餐牌及花茶，跟住细心咁为我哋简介佢哋嘅食物。最后叫咗两个Set Dinner。
洛神花包同粟米忌廉汤︰件包真系好有Surprise，中间嘅芝士同花肉好夹，之后忍唔住Encore咗两件外卖。至于个汤，有好多粟米，好Creamy，连唔系好饮白汤嘅女友都饮哂。
黑松露天使蛋︰外型靓，味道唔错，个蛋黄应该调过味，女友唔食蛋黄，俾我食埋添。田园沙律拌蜜糖芥末酱︰菜新鲜，拌埋个辣辣哋嘅酱，都几过瘾。
焦糖菠萝︰新鲜菠萝配上层脆脆焦糖，又系无得输啦。
忌廉三文鱼汁海鲜扁意粉︰原本宜个系我点嘅，但女友见到个心型碗，就抢咗去食。个汁应该有芝士同柠檬汁，令忌廉汁食起嚟冇咁Heavy。啲虾好大只，鱿鱼苏好爽口，啲扁意粉几有咬口。
芝士蕃茄香茅猪颈肉焗饭︰估唔到，茄汁、香茅、猪颈肉咁夹㖞。店员好贴心地问我要唔要多饭，梗系要啦！但都俾我清哂！个人觉得成晚宜个最正！(不过女友话个包先系最正 )
柚子茶冻︰好清新，好重柚子味。
苹果花伯爵红茶︰伯爵茶一向都系女友嘅至爱，第一次试加埋苹果花，正！仲可以无限添饮，我至少饮咗5杯，店员加茶都应该加到手软！
马卡龙小圆饼︰为咗庆祝同女朋友拍拖七周年，我订位时问有冇蛋糕，不过店员推荐我要4粒马卡龙小圆饼，就可以免费帮我写朱古力字。女友见到劲Surprise，劲冧啰！
成餐饭食得好舒服，好正，一定有下次！成餐饭食得好舒服，好正，一定有下次！
张贴
