周師傅點心 (已結業)

今日同男朋友去左深水埗睇电脑，睇完就喺附近揾野食。突然想食点心，所以就去左周师傅点心食晚餐。我地叫左9个点心。当中嘅虾饺（$16）、烧卖（$16）同埋笼仔开边虾饭（$35）都系男朋友要求叫既，因为有虾我唔食得。但男朋友话味道几好，特别系个饭，好有虾嘅鲜味！其他点心我地就叫左:小笼包（$24）、Hea包（$22）、鲜竹卷（$20）、韩式辣酱炒肠粉（$33）、XO酱萝卜糕（$33）同咖啡糕（$15）我最钟意嘅系Hea包同埋XO萝卜糕。前者其实系流心奶皇包，味道香浓！后者XO酱配上煮得外脆内软嘅萝卜糕，令人食唔停口！饮品我地就叫左可乐（$10@1）有时食下点心做晚餐都唔错，下次再黎过先XD