正宗上海生煎皇 (已結業)

今日收工男朋友接我收工去食晚饭，见喺屋企附近食到闷闷地，于是乎就去左大埔食喇～突然好想食上海野所以就拣左上海生煎皇，仲好任性地只叫小食唔叫饭tim！上海生煎包两个（$16）大家睇下相中枱面，系我一咬落去爆出黎嘅汁，好juicy！咖喱味墨鱼汁味生煎包各一个（$25）我食咖喱味，似咖喱角，唔推介。反而男朋友食墨鱼汁味觉得好味！芝士鲜肉小笼包四个（$34）芝士同小笼包味道好夹，身为芝士控劲满足！凉拌青瓜海蜇（$28）酸酸辣辣，够开胃！川麻鸡中翼四只（$28）味道似谭仔土匪鸡翼！京汁茄子（$26）好咸，唔推荐！韮菜猪肉水饺六只（$28）冇咩特别，唔推荐。白灼蚝油菜心（$23）好细碟。。。味道尚可，可以一试！