群記牛肉圓豬手

营业中

休息中

难得星期日我同男朋友一齐day off，于是决定去睇返场戏。男朋友一早已经起身去左饮茶，而我就赖床赖到十一点几XD由于我太迟起身嘅关系，只好自己一个去食野～当初我都系因男朋友强烈推介先试，因佢住呢区自细已经食开。虽然我住联和墟，理应近水楼台先得月，经常食到群记。但其实以群记营业时间，星期一至五返工就肯定食唔到。星期六、日又会有好多墟外人专登入墟食，长期都逼满人。再加上群记不定期失惊无神“休息一天”，我并唔系想食就一定食到佢。今日星期日，唔洗问一定系逼满人。但好彩我一个人食，一入去就揾到角落有个位～提提大家，群记系自助揾位，要自己排喺就食完嘅枱后。因为我唔食猪手，所以我系叫开大牛丸米粉（$38）同罐装可乐（$6）。“一碗大丸米，一罐可乐”叫完伙计都会放低一小碟自家招牌辣椒酱，我一定一定会拎出去自己再添，因为辣椒酱系群记嘅精髓XD群记完美表现“术业有专攻”，菜式不多，只有猪手、牛丸、牛腩、家乡炸卷。因我唔食猪手所以不在此评论。大丸米一碗有十二粒牛丸够足料！我钟意佢嘅牛丸冇筋唔黐牙，点埋佢个自家招牌辣椒酱，正！！！如果佢个自家招牌辣椒酱有得卖就好喇，咁就可以带佢返屋企随时食到～