露面手工拌麵料理

今日上左半日堂，体力上同精神上都好攰，所以决定好好食一餐当鼓励一下自己！上Openrice见到呢间露面手工拌面抖理个阔面好似好正，于是决定今晚食佢～我叫左野生松茸鲜鸡汤（$38）最近返新工加上要上RYT200堂，个人好操劳好攰，呢个原盅鸡够晒滋补，而且唔觉有味精，鲜味十足！椒香麻辣汤小云吞10粒（$42）唔太辣，怕辣人士可以放胆食！麻辣云耳（$28）呢个比小云吞辣d，食落爽口过瘾～嫩鸡白布汤阔面另加老坛酸菜（$73）呢个汤底好浓郁，d鸡好嫩唔鞋口，面身够烟韧，难怪咁多人推介，绝对值得一试！个老坛酸菜加埋落去个面食，个味道又再升华～饮品我叫左冻极品陈年龙凤柠蜜（$32）同平时嘅好唔同，呢个只味香浓好多！今日呢餐虽然食得好丰富、好饱足，但埋单都系二百几，其实都几抵！