Masala Train (已結業)

今日下午要去做facial，见仲有时间就食左野先。记得之前有朋友推介过喺湾仔地铁站附近嘅Masala Train，于是乎我决定去食呢间！Masala Train地方不大，堂食座位只有三个。不过可能因为佢地刚开铺，我去到嘅时候未有其他客人，唔洗惊冇位坐XD 由于我系唔食得羊所以叫左Chicken Tikka（$58，可选要唔要辣），即叫即制够晒新鲜滚热辣！个roll都几长几大份，一咬落去，入面d生菜、洋葱、蕃茄、青椒同埋用印度香料腌好嘅鸡肉涌晒出黎！而且佢个roll酱汁落左好多，食落劲juicy！食到一半我先发现佢嘅辣会不断喺口腔内回转，辣得好过瘾！我终于明白朋友点解推介比我食喇，因为佢重口味得黎，味道系有层次，口感亦好丰富！我另外亦叫左杯Mango Lassi（$25）芒果味极浓郁，酸酸甜甜够晒fresh，刚好中和返个roll XD 整体唔错去开𠮶头可以试试，下次我想试佢个芝士卷！