老雪園 (已結業)

琴晚同一大班朋友去南洋酒店间老雪园食饭，食上海野！食物质素非常之唔错！而且地点方便，装修又靓！上海菜俾人嘅印象就系好甜好浓味，但真正嘅上海菜其实并唔系咁样！首先要讲下呢个芝麻大饼，由于成个OpenRice都激赞，我冇理由唔试吓！点知都几失望，芝麻葱油大饼上面啲芝麻系多，但系冇蜜糖味，唔够甜唔够酥脆！葱油饼精粹系葱油够香，但呢度就一般，只可以讲佢料好足，但味道就一般啦！反而呢个生煎包有惊喜，咬落去虽然汤汁唔多，但啲肉都系有汁嘅，包嘅皮唔系好厚，分量亦都可以足！呢个熏蛋，我平时食糖心蛋系好唔同架，佢有好香嘅烟熏味，朋友食到烟肉嘅味道！钟意食醋嘅人，一定唔可以放过呢个清炒虾仁，因为加左醋之后味道就唔同左，好似食咗一个新嘅菜式！素饿炸得好好！唔会太多油，一咬即刻碎，脆过食薯片！加左喼汁食又提升一个层次！麻酱云吞喺呢度招牌菜之一，花生酱嘅味道包围着个口，再配上新鲜嘅蔬菜，清脆口感，难怪见到每围都叫一碟！全晚最好食，应该系呢个黄金虾，黄金虾俾人感觉好油腻，而且通常啲蛋黄酱会留系只碟度，但呢度嘅黄金虾，蛋黄酱包袱住只虾，虾非常之爽脆，两样混合起上嚟，减少左油腻感！甜品方面，我仲食咗呢个紫薯，用糖醋嘅