Seoulmate Cafe (已搬遷) 新店位置

终于约到几个超难约既朋友，当然要揾间好食既聚一聚。作为甜品控既我地，来这里就系一个几唔错既选择。我地分别点左啲自己钟意食既野。我就拣左香橙法式炖蛋，佢地两个就拣左紫薯年糕多士+抹茶雪糕。仲有拣左个芒果柚子韩冰雪。 好好彩，我既法式炖蛋先到。表面既焦糖薄薄的香脆，轻轻敲碎而舀一口来吃，甜度恰好，炖蛋都几嫩，有清新自然的橙香气，不会太过火。朋友点既芒果柚子韩冰雪除左芒果同刨冰之外，仲有芦荟，蜜糖，椰果等等，口感应该几丰富。我食左啖，芒果好甜，同刨冰混合口感软中带点冰凉，几消暑。我几欣赏佢将芒果分做几层，甘就唔担心食到下面既刨冰时冇芒果食了。还有个紫薯年糕多士，条友点左又话好大份未必食得哂，嘿嘿，甘我当然见义勇为帮佢食啲啦。多士几脆，得意位系入面年糕，烟烟韧韧，口感几特别。紫薯味都好浓。抹茶雪糕就相对冇甘出众啦。