Infinity Workshop Cafe (已結業)

今日仲放紧假, 同朋友行旺角, 行到攰攰哋去食lunch。呢间cafe都几大, 空间好阔落, 座位舒适, 最怕位与位之间太密同朋友倾唔到计，呢度绝对唔会，同埋个环境都几适合包场开party。少少肚饿 ，叫咗炒意粉"囊"下个肚 。黑松露炒鲜带子虎虾意粉($108), 呢个爆like, like在啲意粉炒得好干爽好好食好弹牙，啲意粉炒到索晒啲黑松露同香料嘅味，只虎虾好大只啖啖肉，带子都好厚身，仲有好多杂菌。招牌汉堡配薯条($138)，个汉堡包真系高到有成只手板咁大，配料有洋葱，蕃茄，沙律菜，大咖啡菇，烟肉，免治牛肉，配个蜜糖芥末汁，佢个面包本身烘过脆脆地，咖啡菇同牛肉系juicy多汁嘅, 牛肉本身肉质比较鲜嫩, 同埋因为本身系由免治牛肉压成一块汉堡形状，咬落去块汉堡牛肉比较松散，口感系较易咬开嘅，佢肉汁juicy系甜甜地㖭, 我觉得最好食都系配埋佢个蜜糖芥末汁, 呢个汁好开胃。炸薯条系粗身，分量都几多，食几条都好饱肚。海盐焦糖牛奶咖啡($39)－下图左，平时好怕叫焦糖嘅饮品, 因为怕好甜, 但呢杯海盐焦糖牛奶咖啡又ok㖞, 焦糖同牛奶咖啡取得平衡, 唔会太多焦糖味或者太多牛奶味而饮唔到咖啡