南小館Plus (已結業)

星期五晚约左朋友系铜锣湾食饭，心血来潮想食中餐，而且要坐得舒服同方便倾计，好快就谂到不如就食南小馆啦！环境：呢度枱与枱之间都有一定距离，倾计唔使同隔离枱斗大声，不过都见到有晏少少黎既人要同其他人搭坐大枱，唔介意就得。服务：侍应服务态度好好，我地叫得太多野食想取消d order，虽然发现已经整左，但侍应都帮我地处理左，仲好好态度一d都冇介意。卫生：地方干净，每个位都有枱纸，比较卫生。味道：我地叫左成枱野食，最出色系云吞类（例如鲜虾云吞汤，红油炒手，云吞鸡汤）细细粒得黎够足料，味道清得黎但好够味，好钟意。饭面类同饮品不过不失，推介黄鱼面！食埋甜品，d糕点好别致，味道各有特式，适合三五好友一齐share食！抵食：一人二百几蚊包茶介同加一，由小食同饭面食到甜品，大家都食得好满足！