四喜冰室 (已結業)

男朋友经常都会要我谂下夜晚个餐食咩好，今次加埋佢同事黎就唔洗我谂🤭由佢同事揸主意，预先提我地喺九龙湾地铁站等，然后一齐过去，佢同事提及大部份海鲜都要电话预定左先至有，我话咩餐厅咁特别，原来系叫四喜冰室🤔我男朋友话难得一齐食鸡煲就食好少少🤭一去到就已经好快可以入座，原先book枱时已叫咗预订一份麻辣鸡煲全份，海鲜类原来喺Menu上面系冇，叫咗蛏子皇、鲍鱼、花雕梭子蟹，原来呢啲都系时价价钱🤔蛏子王仲会帮你开咗一半，鲍鱼会帮你解开变位，但仲系好新鲜，花雕梭子蟹佢嘅花雕浸入蟹身入边，酒香好浓郁🤤然后我哋额外叫鱼片头，响铃卷，四喜极品牛，食完鸡煲当然要叫牛肉片当打边炉咁食啦，响铃卷同鱼片头呢两样佢哋都系即叫即整，而牛肉片佢哋会切得有返咁上下厚度👍🏻👍🏻三个人既份量已经好足够，好饱了