滬江飯店 (已結業)

病左好耐，今日选择食番d 无咁激烈既上海菜。本身谂住散叫，点知朋友原来同屋企人食过，话四人餐好抵食。见到$288, 有野饮，有汤，仲有糖水，又真系几吸引。仲可以㨂三个小菜 + 饭面/2款点心。✨饮品系苹果茶，个味有d 似苹果醋咁，酸酸甜甜好好饮㖞👍🏻✨汤有成大盅，入面有劲多豆腐同埋少量肉丝，个汤味道比较浓，感觉好味精feel✨鸡丝粉皮：粉皮够薄够滑，个酱花生味几香，呢个我几钟意，不过太细碟。✨虾仁炒蛋：佢d 小菜其实都几的骰，四个人食真系唔够食。呢味无咩特别，个蛋都炒得啱啱好 ,虾肉爽口。不过d 虾本身味道比较淡，如果加番多d 葱会香口d✨小笼包：皮算薄，几多汁，但未去到爆汁果种level, 但都好味。✨菜心狮子头：肉有两大旧份量十足，仲好入味。东菇同菜都索晒汁，呢道菜比较浓味，如果送白饭会唔错。✨花素蒸饺：几多饀，食落清得黎唔会觉得寡，个皮都厚薄适中。✨最后上埋个绿豆沙真系饱到爆，好味唔会太甜。不过我地三个女仔差5多都清晒枱，所以如果4个人一定要再散叫。但呢个价钱同地段，又坐得舒服都几抵食。