影片
更多
2024-07-07
5514 浏览
其实我哋都唔多食自助餐，不过6月系父亲节，见kkday又有海洋公园万豪酒店嘅自助餐买一送一优惠，而且同事食过都话唔错就决定试下啦！自助晚餐得一个时段，由18:30开始，可以食到22:00，足足有3个半钟，绝对够时间食到捧住个肚走🤗•大概介绍下特别嘅款式:•📸 龙虾 （可配红咖喱汁/辣椒豉油/芝士汁）最多人排队嘅就系任食龙虾🦞 虽然每人每次只可以攞半只，所以有啲长龙，但系胜在不停refill，食到后半段其实都唔使排队😆 啲龙虾系原只烚/蒸好摆到成座山咁，师傅会将龙虾斩半摆上你只碟～仲会扑开啲龙虾钳，食起上嚟好方便！啲龙虾食落微暖，而且食到鲜甜味，龙虾肉嘅肉质仲好弹牙！好彩嘅话仲有好多龙虾膏😍🌟推荐度：9/10•📸 陈皮蒸鲍鱼 🥇📸 矶烧冻鲍鱼🥈📸 蚝皇鲍鱼花胶鹅掌🥉鲍鱼嘅煮法已经有3款，我哋试匀晒之后觉得3款都好食嘅，但最好食就系蒸鲍鱼，一笼一只，熟度啱啱好唔会韧👍🏼 其次嘅冻鲍鱼系摆咗喺沙律冷盘柜嘅，一碟有三件（半只）左右，味道似零食帆立贝𠮶种甜味，再加少少酸味，食落好开胃！而蚝皇鲍鱼个口感都系好腍嘅，不过就略嫌唔够入味～🌟推荐度：8.5/10•📸姬松茸莲子炖瘦肉炖汤都系几受欢迎嘅一样
自助晚餐得一个时段，由18:30开始，可以食到22:00，足足有3个半钟，绝对够时间食到捧住个肚走🤗
•
大概介绍下特别嘅款式:
•
📸 龙虾 （可配红咖喱汁/辣椒豉油/芝士汁）
最多人排队嘅就系任食龙虾🦞 虽然每人每次只可以攞半只，所以有啲长龙，但系胜在不停refill，食到后半段其实都唔使排队😆 啲龙虾系原只烚/蒸好摆到成座山咁，师傅会将龙虾斩半摆上你只碟～仲会扑开啲龙虾钳，食起上嚟好方便！
啲龙虾食落微暖，而且食到鲜甜味，龙虾肉嘅肉质仲好弹牙！好彩嘅话仲有好多龙虾膏😍
🌟推荐度：9/10
•
📸 陈皮蒸鲍鱼 🥇
📸 矶烧冻鲍鱼🥈
📸 蚝皇鲍鱼花胶鹅掌🥉
鲍鱼嘅煮法已经有3款，我哋试匀晒之后觉得3款都好食嘅，但最好食就系蒸鲍鱼，一笼一只，熟度啱啱好唔会韧👍🏼 其次嘅冻鲍鱼系摆咗喺沙律冷盘柜嘅，一碟有三件（半只）左右，味道似零食帆立贝𠮶种甜味，再加少少酸味，食落好开胃！而蚝皇鲍鱼个口感都系好腍嘅，不过就略嫌唔够入味～
🌟推荐度：8.5/10
•
📸姬松茸莲子炖瘦肉
炖汤都系几受欢迎嘅一样，装好一个小盅，每个入面都有啲汤料（姬松茸、莲子、瘦肉、杞子等），汤炖到几浓味，但饮落唔会好咸，清清地都几唔错！
🌟推荐度：8/10
•
📸 刺身：八爪鱼、帆立贝、赤虾、油甘鱼、池鱼、希灵鱼
刺身有6个选择，最推荐系帆立贝同赤虾，帆立贝切得几厚，几鲜甜；赤虾好大只，同样鲜甜弹牙；不过另外几款鱼刺身就普通啲～
🌟推荐度： 7.5/10
•
📸 冻蟹脚
冻蟹脚唔细只，都好易拆好一只只蟹脚肉出嚟，但有啲蟹脚海水咸味太重🥲
🌟推荐度： 6.5/10
•
📸 焦糖炖蛋
喺众多嘅甜品入面，我哋同屋企人都认同呢款系最好食～ 炖蛋够蛋香又唔会好甜，上面嘅焦糖够香，脆脆哋而且厚薄适中，唔会因为摆耐咗而融晒/变韧👍🏼
🌟推荐度：8.5/10
💭 蛋糕/甜品款式都几多，但大部分都比较甜，唔算好出色🫢 其他可以encore嘅甜品：芝麻马卡龙、Brownie🍫、鸡蛋仔😋
•
📸 雪糕
一入门口就见到旋转雪柜，入面放晒雪糕杯同雪糕批，雪糕杯都有几个牌子，当日就有Häagen-Dazs嘅士多啤梨味&云尼拿味&抹茶味、Dreyer's嘅D’collection Belgium Chocolate 、Mövenpick嘅薄荷朱古力味同椰子味等。
张贴