亞金7號

营业中

休息中

 讲真我住深水埗咁多年都未去过呢度，反而其他地区嘅街市熟食中心我哋都有去过，所以我哋果次就本着探讨心情上去揾食，我仲记得果日去到街市楼下好静，一啲都唔似有食市架，点知上到去二楼完全另一番景象，上面原来好旺架，我哋搭扶手电梯上就见到亚金7号嘅伙记介绍，咁我哋就胆粗粗去试吓啦，我哋叫咗三个小菜，其中有我哋最钟意食嘅沙姜鸡脚（真系大碟又好味）仲有泰式猪颈肉，但另外一款忘记咗系咩，我哋仲有叫咗几枝啤酒饮，其实我当时有影相架，可惜俾我唔小心删除咗😢而第二次我去哋就叫咗椒盐软壳蟹😊椒盐多春鱼，仲有唔少得嘅梗系沙姜鸡脚啦！哈哈，今日我带埋妈妈一齐去食，今次我哋叫咗鸡脚（实在太钟意食所以去亲都叫）椒盐多春鱼，冰梅猪仔脾（值得推介^_^），仲有碟菜，跟住我哋饮咗8枝啤酒，埋单都系$286咋，真系好味又抵食👍👍👍👍👍 呢个系软壳蟹冰梅猪仔脾椒盐多春鱼