影片
更多
2017-08-27
3084 浏览
今晚唔知点解朋友约咗嚟呢度食饭，个人嚟讲真系食到一肚气！好简单，三个字：又贵又唔好食！呢间字号相信睇开大台嘅人都一定听过，佢卖电视广告嘅模式10年不变，只系不停标榜佢d所谓名菜得到啲乜嘢饮食大奖之类之类，感觉绝对系hard sell之中嘅hard sell！今晚餐饭味道完全唔掂，性价比差到一个点，完全冇心机影相，后尾食完觉得要写食评，唯有补影餐牌，影埋个价钱时，真系嬲上加嬲呀！金丝三味豆腐（ ＄108 )：声称为得奖菜式，系一碟有五种豆类制品食物嘅拼盘：炸豆腐～好䬣、卤水豆皮～好咸、酱油黄豆～好咸、拔丝炸豆松～唔松脆、皮蛋伴滑豆腐～酱油汁超咸。唯一仅余可取之处，皮蛋系溏心。三弄回味牛肉（ ＄188 )：声称为得奖菜式，所谓嘅三弄相信系三个煮牛肉嘅步骤，食得出牛肉炆完之后，上粉落油镬快炸，然后再用酱汁回镬，然后切片，再夹上青瓜片，然后面头洒上彩椒粒。牛肉炆得算淋，可惜太入味，味道非常咸，而酱汁嘅味道又系好咸，配上青瓜片，只能仅仅中和少部份嘅咸味。唯一可取之处，口感好特别，因为牛肉有脆皮，再加上爽脆嘅青瓜片，食落口感复杂而有趣。但系，佢又配上一碟炸虾片，相信用来夹住嚟食，但感觉九唔搭八，因
今晚餐饭味道完全唔掂，性价比差到一个点，完全冇心机影相，后尾食完觉得要写食评，唯有补影餐牌，影埋个价钱时，真系嬲上加嬲呀！
232 浏览
0 赞好
0 留言
金丝三味豆腐（ ＄108 )：声称为得奖菜式，系一碟有五种豆类制品食物嘅拼盘：炸豆腐～好䬣、卤水豆皮～好咸、酱油黄豆～好咸、拔丝炸豆松～唔松脆、皮蛋伴滑豆腐～酱油汁超咸。唯一仅余可取之处，皮蛋系溏心。
218 浏览
0 赞好
0 留言
三弄回味牛肉（ ＄188 )：声称为得奖菜式，所谓嘅三弄相信系三个煮牛肉嘅步骤，食得出牛肉炆完之后，上粉落油镬快炸，然后再用酱汁回镬，然后切片，再夹上青瓜片，然后面头洒上彩椒粒。牛肉炆得算淋，可惜太入味，味道非常咸，而酱汁嘅味道又系好咸，配上青瓜片，只能仅仅中和少部份嘅咸味。唯一可取之处，口感好特别，因为牛肉有脆皮，再加上爽脆嘅青瓜片，食落口感复杂而有趣。但系，佢又配上一碟炸虾片，相信用来夹住嚟食，但感觉九唔搭八，因为青瓜片本身已经完全发挥爽脆嘅功能，炸虾片嘅香脆，完全系多此一举，只会令口感出现油腻嘅感觉！顺便一题，炸虾片嘅功夫差，碟底好多油。
212 浏览
0 赞好
0 留言
七味葱爆虾仁带子（ ＄168 ) ：有大量蒜头豆豉作为料头，味道好咸，虾仁唔爽脆，带子份量少之又少，同时，加咗螺片，而质地非常韧！用咁浓嘅味道配海鲜，你懂的！
208 浏览
0 赞好
0 留言
云腿白玉碎蒸海斑（ ＄138 )：白玉即系豆腐，唔好以为佢会好似啲饮食节目咁讲吸收晒鱼嘅鲜味，冇。反而，系吸收晒啲豉油，所以好咸！鱼，冇鱼味但腥腥哋。唯一可取之处，系蒸煮嘅时间掌握得啱啱好，所以鱼肉质地唔会鞋口。
195 浏览
0 赞好
0 留言
怀旧脆皮烧肉（ ＄160 )：啲皮算脆，味道普普通通冇乜特别。要强调，呢碟只系普通嘅烧肉，绝对唔系烧腩仔之类，亦唔知有乜嘢咁怀旧。
217 浏览
0 赞好
0 留言
芝麻盐焗鸡（ ＄328 )：声称为得奖菜式，食完饭睇返餐牌，哗！呢只鸡卖＄328 ，冇嘢呀！？睇卖相，唔系用纸包住落盐镬焗嘅盐焗鸡，而似系咸鸡入焗炉焗嘅盐焗鸡，面头洒上大量芝麻。首先，皮唔脆， 渗返晒啲鸡油变淋晒，鸡肉完全冇咬口，肉质好松散；而因为以上嘅问题，芝麻同鸡完全唔配合，而且亦唔觉有香味，可能d芝麻冇炒过！？有沙姜汁点的，但上枱时一啲沙姜嘅香味都闻唔到！
200 浏览
0 赞好
0 留言
陈皮蒸生鲍仔（时价)：算新鲜、肉厚、弹牙。但系，啲豉油仍然好咸！
238 浏览
0 赞好
0 留言
上汤焗龙虾 (煎米线底) (时价) ：算新鲜、爽口、弹牙；可惜，芡汁非常杰挞挞浆实哂d煎米线底，完全影响口感；同时，芡汁又系非常之咸！
椒盐赖尿虾（时价) ：算新鲜，有膏，火喉OK，但肉质麻麻地好削。
炒饭：通常炒饭用菜心或芥兰嘅茎部切粒一齐炒系好平常嘅事，唔知点解，呢度将成条菜心放落去炒，感觉好奇怪。炒出嚟饭粒算分明，唔肥腻，但味道仍然是很咸！
今晚嘅甜品系南瓜露同蛋散，可能系全晚最好食嘅嘢。。。
至于啲侍应嘅服务，由坐低𠮶一刻开始，就感觉到佢哋好似赶收工一样，不停催你落单，不停催你食嘢，不停催你收碟，不停催你落甜品。最最最好笑嘅地方系，有个阿姐最后拎左张饮食优惠券过嚟，价值＄30，话留俾下次用，哈！哈！哈！下次用 ??? ... ＄30 ?
好耐未试过食一餐饭，会食到如此气上心头!!!!! 总括来讲，三个字：一定冇下次！一定冇！系！系肯肯定一定冇 !!!!!
张贴
