寶寶雞煲 (已搬遷) 新店位置

收左工,三个肥佬去食鸡煲打边炉,第二次去旺角呢间宝宝鸡煲,好彩打电话BOOK左位,星期三都坐得几满先叫左个鸡煲,有麻辣同香辣两种,因为有两个肥佬唔多辣得,所以叫左个香辣鸡煲,仲专登叫佢微辣!除左鸡煲佢地仲有田鸡煲香辣鸡煲基本上味道几好,咸淡适中,D鸡几滑食完鸡煲,每人叫左杯巨无霸柠茶,真系好"巨",有相为证!打边炉加大冻柠茶,正!唔饮柠茶,一样SIZE既啤酒都得!之后叫左几碟野打边炉,先黎可以即食既炸鱼皮,百花酿油炸鬼同埋炸响铃自己比较钟意百花酿油炸鬼同埋炸响铃,上枱时仲热辣辣~立即夹左块放落口,外脆内软,口感味道都一流, 之后又夹左旧放落汤底浸一浸,一定要即刻夹番起,咁就又脆又Juicy!另一推介系"猪天梯",其实系猪既气管,听起上黎有D核突,不过食落真系唔错,佢唔似其他猪内脏一Pat一Pat,又唔似一般猪肉,食起上黎非常爽口,充满骨胶原,十分适合贪靓女士~最后一个想推介既,系佢既手打虾丸~佢用料十足, 绝对系我食个最弹牙既虾丸,学星爷话斋,真系攞黎当乒乓波打都得~仲有一D其他𩠌好似肥牛,羊肉同蔬菜就一般,埋单每位二百几,抵唔抵食就见仁见智,不过打边炉至在开心,呢间宝宝鸡煲服务唔错,