影片
更多
2015-01-27
309 浏览
关雷曾今晚作客由伞尾以北远征铜锣湾！传闻有好野食㖞，出发！见今晚大代无咩食客，步入晓厨范围就有张四人大枱等住我地坐喇，讨论吓试咩先。行动开始！小炒、炒河、煲仔菜、炖汤，够晒。原盅雪耳瘦肉炖海底椰汤，雪耳滑溜溜、海底椰爽口，依旧唛渣都无剩呀。汤汁好润好清甜仲胶胶地添，味道质感都一流。热辣辣刚好烫咀最好味，饮完暖笠笠，好幸福啊！原盅淮山杞子炖螺头鸡汤，香浓至极。斤两十足，大大盅劲抵饮，跟餐 $38 乍，平匀全条街，平靓正！鸡汤香喷喷夹杂住海螺味道，先细尝一口，甜美无穷仲有酒香味道，超赞！即刻想全部倒晒入口呀，太好味喇！大家唔好争，比晒我饮得喇，呵呵。螺肉鸡肉当然无一幸免，尽归我口中啦，汤渣都好香甜呢。晓厨小炒皇，依味𩠌最能试到师傅既手艺，一食便知龙与凤。小炒皇出场，颜色鲜艳，堆到成座山咁，好有气势，哈哈！镬气十足唔油腻，香味直攻大脑！韮菜花、虾干、鱿鱼丝、炸脆丝、腰果，配料好丰富㖞。成堆拨入口试试，韮菜花爽甜多汁又无渣，虾干鱿鱼丝同样咽韧鲜味，脆条腰果香口卜卜脆。各种味道口感同时出现，非常有趣特别又美味！依个时候如果有支冰冻啤酒或 saka 就真系不得了喇！面酱龙凤煲，师傅话系刚上板既煲仔
关雷曾今晚作客由伞尾以北远征铜锣湾！传闻有好野食㖞，出发！
见今晚大代无咩食客，步入晓厨范围就有张四人大枱等住我地坐喇，讨论吓试咩先。行动开始！小炒、炒河、煲仔菜、炖汤，够晒。
原盅雪耳瘦肉炖海底椰汤，雪耳滑溜溜、海底椰爽口，依旧唛渣都无剩呀。汤汁好润好清甜仲胶胶地添，味道质感都一流。热辣辣刚好烫咀最好味，饮完暖笠笠，好幸福啊！
原盅淮山杞子炖螺头鸡汤，香浓至极。斤两十足，大大盅劲抵饮，跟餐 $38 乍，平匀全条街，平靓正！鸡汤香喷喷夹杂住海螺味道，先细尝一口，甜美无
穷仲有酒香味道，超赞！即刻想全部倒晒入口呀，太好味喇！大家唔好争，比晒我饮得喇，呵呵。螺肉鸡肉当然无一幸免，尽归我口中啦，汤渣都好香甜呢。
晓厨小炒皇，依味𩠌最能试到师傅既手艺，一食便知龙与凤。小炒皇出场，颜色鲜艳，堆到成座山咁，好有气势，哈哈！镬气十足唔油腻，香味直攻大脑！韮菜花、虾干、鱿鱼丝、炸脆丝、腰果，配料好丰富㖞。成堆拨入口试试，韮菜花爽甜多汁又无渣，虾干鱿鱼丝同样咽韧鲜味，脆条腰果香口卜卜脆。各种味道口感同时出现，非常有趣特别又美味！依个时候如果有支冰冻啤酒或 saka 就真系不得了喇！
面酱龙凤煲，师傅话系刚上板既煲仔菜，下个月仲会系杂志会报导添。原来系面酱炆龙趸球同鸡球，鸡肉香滑，而龙趸鲜甜嫩滑带肉汁，弹弹的。两煮都充满面酱咸香味道，good ！当然转眼就比我地几个消灭得一干二净，连冬菇冬笋都一件不漏。
头抽干炒牛河，品尝完几道正菜后，打算用干牛河作结尾。可能刚才出场既太好味喇，依家压轴既干牛河显得有点失色。镬气够亦热辣辣且香气十足，但卖相、味道都有点强差人意。虽然颜色鲜明又均匀，不过河粉炒得较碎，牛肉腌得过深色，味道偏咸且太浊喇。整体免强合格，一试无妨，可以炒得再好一
点、卖相执得再靓一点。
试菜行动完毕，回归北区，过几日再试埋其他菜式先！
张贴
