影片
更多
2010-11-09
26 浏览
是晚四名最多野讲既女子又聚首一堂，晚饭地点迁就大家一定系港岛区架啦，都唔系好知食咩好，最后有人提出想食日本菜，就拣左黎呢度试下。大家放工时间都比较早，所以好早已黎到湾仔，决定去餐厅坐下好过。大概六点几七点未够，入到去餐厅一个人都无，店员安排左我地坐室入一张大台，结果坐左劲耐都无咩客人好似包左场咁，可以几嘈都得啦。店内环境都唔算太大，只有几张台，另一边就系鱼生吧台，不过我眼见D位置都几迫下。由于大家都肚饿所以就要快D叫野食啦，有人话一定要食刺身，所以最后拣左个大既刺身拼盘，不过黎到觉得麻麻咋㖞。首先好明显解冻唔够，哗，食到少少碎雪，而且D刺身唔算好新鲜，𫠒红鱼吞拿鱼个D又有D筋，拖罗一D鲜味都无又唔够肥美.... 嗯... 奉劝大家唔好叫啦。其他小食类既食物都唔差的，可以一试。首先叫左明太子鸡翼，不过我地等左好耐佢先黎，鸡翼都几香脆，而且内里明太子馅几多几咸香，又有少少辣咁好惹味，唔错。鳗鱼煎蛋卷份量俾我想像中细，咬落唔系好够热，而且蛋香唔够，所以比较一般。吉列蚝感觉外面层炸粉几厚，但食落又唔会太肥腻太热气，都几香口好食的。蚝细细只，不过好在都算鲜味，OK啦~ 清酒煮蚬黎到感觉都系一般，
是晚四名最多野讲既女子又聚首一堂，晚饭地点迁就大家一定系港岛区架啦，都唔系好知食咩好，最后有人提出想食日本菜，就拣左黎呢度试下。
大家放工时间都比较早，所以好早已黎到湾仔，决定去餐厅坐下好过。大概六点几七点未够，入到去餐厅一个人都无，店员安排左我地坐室入一张大台，结果坐左劲耐都无咩客人好似包左场咁，可以几嘈都得啦。
店内环境都唔算太大，只有几张台，另一边就系鱼生吧台，不过我眼见D位置都几迫下。由于大家都肚饿所以就要快D叫野食啦，有人话一定要食刺身，所以最后拣左个大既刺身拼盘，不过黎到觉得麻麻咋㖞。首先好明显解冻唔够，哗，食到少少碎雪，而且D刺身唔算好新鲜，𫠒红鱼吞拿鱼个D又有D筋，拖罗一D鲜味都无又唔够肥美.... 嗯... 奉劝大家唔好叫啦。
其他小食类既食物都唔差的，可以一试。首先叫左明太子鸡翼，不过我地等左好耐佢先黎，鸡翼都几香脆，而且内里明太子馅几多几咸香，又有少少辣咁好惹味，唔错。鳗鱼煎蛋卷份量俾我想像中细，咬落唔系好够热，而且蛋香唔够，所以比较一般。
吉列蚝感觉外面层炸粉几厚，但食落又唔会太肥腻太热气，都几香口好食的。蚝细细只，不过好在都算鲜味，OK啦~ 清酒煮蚬黎到感觉都系一般，首先我觉得佢清酒味唔系好够，个汤几淡下。另外就系D蚬细细只又无咩味道，有D煮到未开口都算，有D又有沙.... 唉... 又系一般。
我地仲有叫左D卷物，分别叫左个海胆四色卷同埋XX鎗鱼卷(真系唔记得左佢个名)。前者叫到黎先知原来我地有两个系唔食海胆的，哈，咁就我同另一朋友搞掂哂佢。四色卷系分别表面用左d唔同既鱼籽，入面既馅都系青瓜牛油果等，不过呢个其实几好食，因为佢d海胆几新鲜，味道几鲜甜所以食落味道唔错。另外个XX鎗鱼卷我觉得都几好食，有D香葱几香，加埋味道够鲜，觉得佢D卷物几好食。
食完唔够饱，最后叫多个饭。Menu上有煎蛋猪扒/鸡肉饭，不过我地都麻麻地，最后佢帮我地改左个煎蛋鳗鱼饭，哈，服务真好。个饭ok啦，蛋汁几多，鳗鱼都够肥美鲜味，唔太差的，不过多d鳗鱼汁会好味dd。
最后个侍应哥哥仲送左个雪糕俾我地食，有三只味，睇黎都似雀巢三色雪糕D FRIEND，哈，不过送的唔好要求咁多啦。我地是晚除左以上食物仲有叫左 4 枝啤酒，最贵其实系个刺身/// 不过我觉得最差都系个刺身.... 总括呢度食物一般，嗯... 应该未必有下次。
张贴
