影片
更多
2014-09-03
4501 浏览
家中嫲嫲年过九十，身体一向强健，但自从大前年轻微中风后，进食时总觉得吞咽吃力 ，早、午、晚三餐都已改食蛋、豆腐、较易咀嚼o既生果及流质食物为主。蛋糕方面，嫲嫲只爱吃Cova出品o既Mango Dome，大赞糕身软滑，味道香甜，而且易入口，故此每逢有亲喜庆事，我地都必定会以此款Mango Dome作甜品。可惜天意弄人，嫲嫲最近开始对芒果敏感，每次食完芒果，例必全身痕痒红肿 ，医生随即勒令要停止食用任何有芒果成份o既食品！打从医生禁止嫲嫲食芒果以后，乖孙小肥就开始四周觅寻啱嫲嫲食o既蛋糕。记得个多月前于舅父寿宴食过「2/3 Dolci」o既Amore蛋糕，质感湿润且软绵绵，相信嫲嫲应该食得到，但因Amore蛋糕主材为荔枝，另一种容易引起过敏反应o既生果，细佬最终决定喺店舖内拣选另一款蛋糕，为八月份其中两位寿星仔女庆生。「2/3 Dolci」位于湾仔间分店，附近除咗有地鐡站、巴士站、电车站、的士站、小巴站之外，最重要系周遭唔系写字楼，就系餐厅同住宅，客人攞返公司、餐厅、屋企食都同样咁方便。饼店细细间，光猛企理，而且冷气足，摆放著各款蛋糕o既玻璃陈列雪柜望落都好干净卫生，成功赢取满分环境分
「2/3 Dolci」位于湾仔间分店，附近除咗有地鐡站、巴士站、电车站、的士站、小巴站之外，最重要系周遭唔系写字楼，就系餐厅同住宅，客人攞返公司、餐厅、屋企食都同样咁方便。饼店细细间，光猛企理，而且冷气足，摆放著各款蛋糕o既玻璃陈列雪柜望落都好干净卫生，成功赢取满分环境分 。
小肥做事颇有计划，订蛋糕都一样，会先搜集好资料先行入间饼舖度落order。虽然XO仔喺网上已锁好目标，知道自己想订咩款式o既蛋糕，但为咗要测试服务生o既态度及专业水平，小弟行入舖头后，故意假装对店内之糕点不太认识，要求姐姐仔介绍几款人气蛋糕 。当时店内有两位姐姐仔，一位正在忙碌包装，另外一位则续一为XO仔略作简介，初时感觉都几专业架，但系当问到第三款蛋糕时，接紧盒𠮶位姐姐仔就开始插嘴，话佢地所提供o既产品非常独特，喺各方面同其他西饼店内o既都好唔同，表情更有不耐烦之嫌 ！小肥就好有礼貌咁同两位解释话自己其实系好有诚意黎订蛋糕，只不过因家中长辈咀嚼能力有所限制，所以想清楚了解成份及蛋糕质感先决定订购边一款。讲真，每一个行入「2/3 Dolci」舖内o既朋友其实唔一定要帮衬，问吓食材、制法、价钱等资讯都好平常，如果唔啱系绝对可以选择唔买野就走！「包装姐姐」友善欠奉，其同事再专业都好难弥补小弟所感到之不快，故此饼店之服务分只能与其店名比齐，只剩三分二 ！
二十多年前，大肥爸爸同靓靓妈咪曾经带同公公婆婆、爷爷嫲嫲，三代同堂畅游夏威夷，当时最令XO仔印象深刻o既就系饮石榴汁。小肥同哥哥喺香港从未饮过石榴汁，喺夏威夷初尝已深深爱上其鲜甜o既味道，我地一家八口每日最少饮用三大盒 ，旁人都大叫夸张！嘻嘻，不过最搞笑o既莫过于满腔口音o既婆婆，每朝起床第一句就话要饮「蛇尿汁」，而大肥爸爸则同时取笑细佬唔纯正o既英语，不断重复「瓜瓜juice」，「瓜瓜juice」（石榴汁英语为Guava Juice），直至我地旅游后返香港大家都仲喺度笑紧 。今次可能系机缘巧合，XO仔喺「2/3 Dolci」个网站度见到佢地一款以石榴作主材o既蛋糕，详阅过简介，再打电话到饼舖了解清楚，觉得会啱嫲嫲口味，所以就决定生日会订购此味Guaiava蛋糕。
Guaiava（$420/一磅）：Guaiava外观同其主材之石榴果肉一样为火红色，鲜艳夺目！多层o既海绵蛋糕以石榴果酱、mousse、及啫喱层分隔开，口感丰富得黎仍能保持软熟湿润，石榴味道清幽香甜，绝无过火，我地年轻一辈都非常欣赏 ！每磅蛋糕为$420一啲都唔平，不过考虑到千层蛋糕功夫多，用料新鲜上盛，其实都好抵架啦！可惜嫲嫲却嫌海绵蛋糕层偏干，食咗两口就放弃；小弟愚见，如果师傅将其中一层海绵蛋糕改为石榴忌廉，唔知会唔会增加整体之湿滑感，令嫲嫲觉得较容易入口呢？！
虽然今次喺「2/3 Dolci」所选购o既蛋糕未能满足嫲嫲要求，但寿星仔女都极为满意，仲大赞蛋糕质高美味，更评论最少值八十五至九十分添 ！小肥个人对「2/3 Dolci」饼店o既地点、环境、卫生都给予满分，对其出产o既糕点亦有颇高o既评价，唯独因受到临场服务生不太友善o既口吻所影响，所以对是否再次帮衬而有所保留。
张贴
