金翠餐廳 (已搬遷) 新店位置

听人讲话太子有好抵食既午餐，今日咪去揾下咯。行咗几条街，发现有间餐厅门口要等位，就行去望一望，见到写住午餐三十二蚊起，相信就系要揾呢间喇。门口要等位等咗一阵，我一个人容易啲揾位，坐低问我要乜汤，要咗忌廉汤，今日系南瓜粟米忌廉汤。好香南瓜味，又有粒粒粟米，小小杰身，水准之作。好快牛扒饭就到了，😘冇谂过午餐有咁大块牛扒，黑椒汁好香，牛扒煎香左，不太霖，有牛味，唔似一般茶餐厅d牛扒落粉哪到霖晒，饭又多，食到我饱晒。最后加多杯热奶茶，又香又滑，为呢一餐划上完美句号。三十五蚊真超值。