影片
更多
2018-05-25
4157 浏览
我本身话过咗冬天唔再打边炉，但都系抵不住诱惑。「焱」，三道火，单是望住个名都觉得热。朋友提议嚟呢度食涮涮锅，话倾计舒服D。所谓「焱」，原本我以为系因为呢度出名麻辣锅，毕竟一出䢂口，就见到「理想很丰满 现实很麻辣」、「辣得泪流满面」之类嘅Slogan。但原来三道火，亦可以解呢度嘅三味锅。呢度主要有两种边炉食法，其一系粥底火锅，另一种就系三味锅啦。两者套餐都系一样价钱，平日都系$288一位。想试多D汤底，毫不犹疑就选择咗后者。三味锅一定有嘅系火焰清酒煮蚬，剩余两款就可以从10种汤底任意选两种。因为呢排想食得清淡D，所以另外两款拣咗养生人参药膳锅同姬松茸珍菌煲。本身锅中间个位系空嘅，侍应加入蚬同酒之后点火，火苗迅速蹿起来。蚬唔错，粒粒胀卜卜，全部开晒口，肉甜而冇沙。 两个大汤底呈乳白色，味道却截然不同。人参锅白中带点红，红的是粒粒杞子。除了有很重药材味，另外也有很重胡椒味，药味中带辣辣的感觉，朋友觉得有D唔太夹，不过我谂对身子一定好好，冬天饮就够暖胃；而我个人嚟讲，个珍菌煲真系啱晒我，姬松茸口感脆嫩，肉质紧密而有弹性，味道香而醇。唔单止D菇好味，个汤底都甜而润喉，唔会觉得燥。等紧嘢食上嘅时候
所谓「焱」，原本我以为系因为呢度出名麻辣锅，毕竟一出䢂口，就见到「理想很丰满 现实很麻辣」、「辣得泪流满面」之类嘅Slogan。
但原来三道火，亦可以解呢度嘅三味锅。
呢度主要有两种边炉食法，其一系粥底火锅，另一种就系三味锅啦。两者套餐都系一样价钱，平日都系$288一位。
想试多D汤底，毫不犹疑就选择咗后者。三味锅一定有嘅系火焰清酒煮蚬，剩余两款就可以从10种汤底任意选两种。因为呢排想食得清淡D，所以另外两款拣咗养生人参药膳锅同姬松茸珍菌煲。
本身锅中间个位系空嘅，侍应加入蚬同酒之后点火，火苗迅速蹿起来。
蚬唔错，粒粒胀卜卜，全部开晒口，肉甜而冇沙。
两个大汤底呈乳白色，味道却截然不同。人参锅白中带点红，红的是粒粒杞子。除了有很重药材味，另外也有很重胡椒味，药味中带辣辣的感觉，朋友觉得有D唔太夹，不过我谂对身子一定好好，冬天饮就够暖胃；而我个人嚟讲，个珍菌煲真系啱晒我，姬松茸口感脆嫩，肉质紧密而有弹性，味道香而醇。唔单止D菇好味，个汤底都甜而润喉，唔会觉得燥。
等紧嘢食上嘅时候，沙律同嘢饮都送到啦。柚子沙律·麻香拌虫草花，沙律是普通生菜就唔讲太多啦，虫草花就正，可能我自己钟意D口感QQ嘅食物，虫草花有弹性而爽口，每条裹著麻油，虽然略肥仔，但都好味。
饮品则是无花果雪梨茶，够晒清润冰凉，味道唔死甜，靠嘅都系雪梨的果糖。
呢个套餐包咗一份5款嘅时令海鲜拼盘，当日有蛏子皇、基围虾、墨鱼片、龙趸片同埋带子。海鲜渌嘅时间真系要把握得好好，𠮶日五款海鲜，每样都好新鲜好甜，唯独渌带子时有少少渌耐咗，口感老咗而甜味都少咗。但其余四款，龙趸、墨鱼片爽口弹牙；蛏子同基围虾甜到想Encore。
我地两个人，肉类可以拣一款，拣咗手切Prime肥牛（要加$38）。呢碟肥牛比起平时屋企打边炉𠮶种其实唔会瘦得去边，但系佢脂肪同肉系分布得极均衡，雪花纹好靓，同牛肉嘅梅红色相映成趣。
渌完嘅牛肉Even全熟都仍然好嫩，唔使点汁，就咁感受佢浓郁牛味。
手工火锅拼盘，有黑松露豚肉饺子、鲜虾雪条棒、太极鲜冬菇、花胶牛丸、元贝三层墨鱼砖，就返人数每款两份。其中我觉得饺子系好味既，有种食灌汤小笼包嘅感觉，咬落口汤汁涌出来，黑松露嘅馥香散播到成个口都系；而花胶牛丸够弹牙，口感似牛筋丸，牛味好浓郁。
鲜虾雪条棒就造型够晒特别，得意胜过好食，虾棒So far都叫做弹牙嘅。有粒粒蟹子食落口有卜卜卜嘅感觉。
呢度嘅响铃都唔错，新鲜炸出嚟，豆味够晒香。
完场仲有个甜品桂花糕，清得嚟唔滞。我觉得呢度料都唔错系高质嘅，不过拣嘅汤底都清，下次嚟食都系唔好怕热气，叫埋个麻辣锅就够晒滋味啦。
张贴
