Pici

营业中

休息中

Pici 系意大利传统嘅长面餐厅，今次呢间系位于荔枝角嘅意大利餐厅。今次去嘅时候大概系傍晚5 6点，已经见到唔少外国人chill drink 梗。一入到餐厅waiter就好非常之nice同我哋介绍佢哋嘅招牌菜同埋即刻攞菜单俾我哋。一开始我哋就试咗佢个巴拿马火腿，佢个味道都几正宗，系偏咸的！另外我哋都仲嗌咗个套餐, 当中包括左头盘，主菜同埋甜点，呢一set落嚟非常非常之饱，合共加埋都喺300蚊左右。主菜: 我哋加咗钱叫呢一个蝴蝶小云吞😆，每一粒嘅size啱啱好放到落去我个口度唔会话好大粒，咬落去即刻有浓郁嘅酱汁味道出现，都叫比到少少惊喜我。甜品: 每个人嚟到都话一定要嗌佢嘅招牌Tiramisu，我自己觉得非常之浓郁嘅奶酪味同埋咖啡嘅味道mix埋，口感唔错。