影片
更多
2018-04-29
102 浏览
今晚又同大家介绍好野，就系荃湾大鸿辉21楼既《鲜一夜》。 我地有4个人，3女1男，我同其中1位朋友先到，另外2位会迟少少，侍应哥哥见我地闷闷地，就好好心咁提我地可以出去饮野先。 呢度酱料同饮品都系自助，想点配点饮都得，而且选择多，尤其系饮品，任君选择。仲有我最爱既雪糕，暂时记住先，打完边炉先食甜品。 等左一阵，另外2位朋友到埋，可以上菜。首先上既系鸡煲，但系落单前唔记得讲走芫茜，呢度服务好好，侍应姐姐立即同我地换，仲叫我地等等，因为芫茜味浓，就算夹走左都会有味，师傅另外炒1煲俾我地。 佢地执生好劲，上住其他菜式先，首先上《花胶翅炖汤》，够哂浓郁。之后系《鲍汁扣鹅掌鲍鱼》，够哂稔，唔会黐牙。然后系刺身拼盘，有5样刺身，够哂新鲜。 到差唔多食完，个鸡煲亦都整好，个鸡煲既好味程度系鸡嫩惹味，连D洋葱都有鲜甜味。 食完鸡煲，就打边炉，呢度算系半放题式，安格斯肥牛及海鲜拼盘系跟个火锅一齐既，之后既配料可以任点，一轮可以点5样，唔使点太多食唔哂做大嘥鬼。配料种类好多，总有1款岩大家。我地点左药膳跟麻辣鸳鸯锅，大家食下倾下，到10点半就散水走人。 总结黎讲，$3XX可以食到鸡煲、刺身、仲可以打埋边炉
今晚又同大家介绍好野，就系荃湾大鸿辉21楼既《鲜一夜》。我地有4个人，3女1男，我同其中1位朋友先到，另外2位会迟少少，侍应哥哥见我地闷闷地，就好好心咁提我地可以出去饮野先。
呢度酱料同饮品都系自助，想点配点饮都得，而且选择多，尤其系饮品，任君选择。仲有我最爱既雪糕，暂时记住先，打完边炉先食甜品。等左一阵，另外2位朋友到埋，可以上菜。首先上既系鸡煲，但系落单前唔记得讲走芫茜，呢度服务好好，侍应姐姐立即同我地换，仲叫我地等等，因为芫茜味浓，就算夹走左都会有味，师傅另外炒1煲俾我地。
佢地执生好劲，上住其他菜式先，首先上《花胶翅炖汤》，够哂浓郁。之后系《鲍汁扣鹅掌鲍鱼》，够哂稔，唔会黐牙。然后系刺身拼盘，有5样刺身，够哂新鲜。
到差唔多食完，个鸡煲亦都整好，个鸡煲既好味程度系鸡嫩惹味，连D洋葱都有鲜甜味。
食完鸡煲，就打边炉，呢度算系半放题式，安格斯肥牛及海鲜拼盘系跟个火锅一齐既，之后既配料可以任点，一轮可以点5样，唔使点太多食唔哂做大嘥鬼。配料种类好多，总有1款岩大家。我地点左药膳跟麻辣鸳鸯锅，大家食下倾下，到10点半就散水走人。
总结黎讲，$3XX可以食到鸡煲、刺身、仲可以打埋边炉，食物质素好，服务又好，直头系平靓正！
张贴
