花見月 (已結業)

平时好少黎科学园, 因为想视察下隔离既新楼, 所以特别过黎行下. 星期六日好多踏单车或散步既途人, 不过地方好多, 唔会觉得挤迫. 餐厅都几多种类, 口味, 唔错.入左呢间日本野, 都好多人, 不过坐位好多, 唔洗等.午餐主要系定食之类, 我要左火炙三式丼, 可以食到鱼生之余, 又唔怕太生肚痛.三式有带子, 油甘鱼, 左口鱼, 三样我都钟意.左口鱼唔系度度有, 食落好爽口, 味道够鲜. 带子大大粒, 够肥够厚, 入口特别满足, 好鲜甜. 油甘鱼腩, 够晒肥美, 油脂特别丰富, 但唔觉油腻, 个鱼皮烧到㶶㶶地脆脆地, 特别香口.饭底系珍珠米, 一粒一粒, 不经不觉已经扒晒入口.