SUKIYA すき家 (時尚坊(第2期))

营业中

休息中

每次黎食都系会嗌三式芝士牛丼，因为自己好钟意食有芝士嘅食物，睇menu净系留意到呢个饭排队大约7-8分钟，坐低揿钟嗌嘢好快有职员过黎，个饭等咗两分钟就到，超快。三式芝士牛丼加Tabasco辣汁，我觉得辣味同个饭唔太夹，下次都系唔会落个汁。份量我觉得啱啱好，芝士同牛肉都好好食，略嫌d洋葱唔够淋同埋唔够入味。45蚊一个饭止一止牛肉饭既瘾系唔错。食食下见到间餐厅都多吉位，讲紧系正常晚餐时间7点钟左右，唔知系咪大家都去哂日本食牛丼呢。亦都见到其中一部冷气机滴水，职员攞个兜摆喺机底装住d水。