大吃大喝 (威靈頓街)

营业中

休息中

我认为系中环要食外卖三文治嘅首选就系呢间大吃大喝！间舖头好细间，里面只得一排座位，好肯定呢间舖头主要做外卖，如果好赶嘅话，我真系好钟意食三文治当一餐！之前已经听过呢间外卖店嘅大名，佢喺油麻地好出名！我朋友都会特登去帮！知道佢喺中环有分店，所以揾机会试吓！果然冇令我失望！今次嗌咗两款，分别系芫荽蛋治烘底，同埋厚切餐肉蛋治烘底！啲蛋真系好出色，绝对唔会太过龙，有好多蛋汁！好有蛋味！加埋芫荽真系冇得顶！另外𠮶个餐肉，系煎过！因为系厚切，所以好有口感！真系好配合！而最估唔到系佢杯奶茶都好掂！不过，要食嘅话，记得打电话去嗌咗先，如果唔系分分钟排半个钟！因为好多外卖order！