Coffee or Tea (已結業)

亲戚介绍左尼间餐厅，佢话成日帮老细由新界去观塘买尼间外卖，我当时觉得有啲夸张，好嘥车油，或者我未明有钱人既想法🙈早餐时段，我㨂左椒盐蛋三文治🥪（$36）：尼个价钱同对面街既冰室相比，的确系较贵（当然我知佢系coffee shop😂），不过因为亲戚讲到咁好食，都系要试下😋。三文治用两块预先沾上豉椒酱既面包烘至香脆，夹著日本鸡蛋🥚后切成三份。多士好香脆，劲钟意咬落去烟烟韧韧既口感。本身都惊朝早食咁浓味既野唔习惯，但食落令我好惊喜。豉椒味道浓度适中，香味十足，无论系味觉同嗅觉都享受到豉椒味，食落再带少少甜，完全唔系平日食打冷果种重口味。鸡蛋好厚身，浓浓既蛋香，应该起码有两只鸡蛋🥚。尼份三文治对我讲非常饱肚，味道独特又滋味，推荐👍🏻热鲜奶咖啡☕️（跟餐+$17）：系一杯柔和既咖啡，奶同咖啡要配搭出和谐，啡味不算好浓，刚好。跟餐+$17尼个价钱绝对相宜。