大統領 (已結業)

上次食过佢个外卖炒饭之后，味道比想像中好，虽然以地区黎讲就好似贵左少少。今日咁岩黎联和墟，又好肚饿想食d大大碟既饭，一于就入去食番个炒饭先。上次净系食外卖，都冇留意佢menu既选择原来都唔少。刺身寿司乌冬，牛猪鸡鱼全部都有。我都系叫番上次个炒饭。炒饭连set，有碗淡少少既味噌汤、小碟中华沙律同一旧西瓜。炒饭既份量对我黎讲好够，我两点几先黎食，食哂都够去到晚餐先觉饿。炒饭既料唔少，除左有三文鱼肉，仲有飞鱼籽同一啖海胆。都唔好话得果一啖仔咁少，海胆的确系贵价野，而且果一啖仔系够令你食得几开心。海胆既鲜度同味道都唔错，食到一半捞少少饭食，可以为成碟饭加分。唯一一个我觉得需要说明多d既地方系其实个炒饭本身系辣辣地，但menu完全冇提。我食得辣，当然冇问题，不过对于唔食得辣既人黎讲，就会伏左，少辣都系有辣吧。