大家樂 (已搬遷) 新店位置

今晚食完就今晚写啦，呢排成日都见到大家乐出既三文鱼海鲜焗饭。味道好似唔错咁，今晚终于开斋啦。放左学之后就黎到呢间大家乐，话哂系晚市，人都几多下。酥皮周打鱼汤即系忌廉汤啦，料就唔算太多。但胜在酥皮好好食，就算浸左落汤到都唔会咁快淋哂。同意粉屋既酥皮系两个层次，不过佢都唔错既。三文鱼海鲜焗饭三文鱼既份量算几多，焗饭既野菌汁有小小似金宝忌廉汤既味道。而呢个炒饭炒得好烟韧，粒粒都咁好食。而个饭都有好多料，有虾、青口、鱼柳等等啦。要弹既系，个饭始终犯左焗饭既通病，就系唔够多汁。冻奶茶好好饮呀，又香又滑既冻奶茶。味道唔错。实有下次既，个焗饭味道唔错。价钱又唔太贵。