茶舍 (淘大商場2期)

营业中

休息中

港式餐厅真系唔食一排就已经好挂住，茶舍系近期兴起嘅港式餐厅中我比较钟意嘅一间。佢嘅食物配搭会新颖一啲，而且质素一般都不俗。咁啱今日中午想食，又唔想等位，于是就叫咗外卖。餐牌款式好多佢嘅三文鱼炒饭一流，大家可以见到张相入边食材非常之足料。三文鱼虽然系整碎咗，但系个口感都食得出，而且再加埋一啲蟹子喺上面，仲有其他配料，好香。佢每粒饭都粒粒分明，但系又唔会油包饭，好欣赏今次仲专登试埋佢嘅焗意粉，因为系焗所以等嘅时间都相对耐少少。佢嘅焗意粉真系好好食。主要系因为佢里面嘅意粉焗完之后都仲系好有水份，唔会干争争。上面嘅酱汁又好够。一个人都可以食晒成兜。另外我叫咗佢嘅水果茶同埋柠檬茶。水果茶入边啲料嘅份量都几多，而且外卖却俾咗樽装我，够晒方便我仲加配咗几件cheese cake，最欣赏嘅系原味，芝士嘅浓度似纽约cheese cake，但系个质感又比较湿润有少少日式feel，整体配搭好唔错。另一件柚子味嘅芝士蛋糕，柚子味道都好突出。