趣亭餐飲館 (已結業)

我身边嘅朋友每逢放假，都想捉我四围去，知我钟意揾新餐厅食好嘢，今日就去咗旺角呢间唔错嘅小店！Cafe就系先达商场上面，喺大厦旁边有升降机。入到餐厅，环境比较宁静，地方整齐播住一啲音乐，可以静静哋坐一𠮶下昼！餐厅有多张沙发，毛公仔陪伴，跟窗口位置有榻榻米高台设计，可以比一班朋友去包场玩！大约三点到餐厅，啱啱开门，今日餐厅只有一位店员坐镇，食物一道道送上，仲时不时过嚟问吓我哋意见，感觉亲切。另外，餐厅有好多卡game游戏玩！餐牌用人手写上，好比公式化嘅餐牌，小食由$32起，饭同意粉就$78起，我哋嗌咗一个甜品，同两个主菜！先嚟一杯玫瑰生果红茶，香气随着热力飘出，果味酸甜好开胃。衬托深啡色木纹餐枱，影相都特别靓。三文鱼蘑菇忌廉汁意粉虽然意粉份量好多，蘑菇味香浓，忌廉汁丰富，但都比三文鱼抢哂风头，金黄色嘅表面好吸引，鱼皮煎成脆身，鱼肉带有脂肪，唔会干身。升级鳗鱼日式炒饭炒饭上面足足有一整条鳗鱼，系餐厅食真系好少有，如果去超级市场买一条都要80蚊，餐厅真系落我重本，上面放啲紫菜，令卖相更加精致，炒饭用烧汁调味，加上蔬菜颜色变得丰富，食起上嚟好轻松，鳗鱼好肥美，同炒饭好配合！最后都有啲饱啦，就嗌一