八沢 (霎東街) (已結業)

已经系第三次嚟食呢一间日式餐厅，每次嚟食都系食黑松露忌廉海鲜乌冬，但系今次竟然系餐牌上面见到黑松露忌廉三文鱼腩带子乌冬，我太想知道呢两个乌冬究竟有咩分别，所以就叫咗哩两个乌冬啦😂餐厅嘅地点好易揾，正正喺利舞台后面𠮶条小巷，里面嘅位置唔系太大，但好彩今次唔洗等位。🎈黑松露忌廉海鲜乌冬（三文鱼、带子）🎈黑松露忌廉三文鱼腩带子乌冬我就咁问过个侍应，佢话两碗乌冬得一个分别，就系将三文鱼换咗做三文鱼腩等上咗呢两碗乌冬之后，其实一眼就睇得出三文鱼腩带子乌冬嘅三文鱼腩系多啲同埋大旧啲，所以你好明显见到两碗乌冬上面嘅配料小山丘一个高啲一个矮啲。而食落口之后个分别更加明显，以前都唔觉得海鲜乌冬入面啲三文鱼比较鞋，但系今次有比较有伤害，因为三文鱼腩𠮶碗嘅三文鱼真系接近入口即溶，油脂好重，好好食！所以一比较之下，海鲜乌冬入面嘅三文鱼就相对熟咗一啲。而带子既话，两碗嘅分别就唔大。呢度真系特别要提醒大家❗️因为我习惯将最好食嘅留到最后，点知因为浸得太耐，啲三文鱼腩同埋带子都熟左啲，无一开头嘅时候咁好食，所以大家记得一定要即刻食咗三文鱼腩同带子先！