三木日本料理 (已結業)

由于女朋友系尖沙咀附近工作既关系呢，而我地又有成个星期冇见面了，仲有就系就快到圣诞节了所以决定要揾番啲好野食下三木系一间位置比较唔容易发现到既餐厅，因为佢系位于一栋唔系好起眼既大厦，如果你唔系有佢确实既位置根本就好难发现到。虽然佢既位置系唔方便不过呢佢既装修又真系不错，新净得黎又有不少grand既设计，都几吸引到我唔洗讲咁多啦，一坐低就紧系叫野饮先啦，我地叫左以上两样野饮。惊喜既系野饮一到冇耐，就已经有刺身送上了，我和女朋友都觉得奇怪，明明我地都冇叫过刺身，点解会自己送上门呢，仲以为佢地搞错左添点知，点知，原来系送既，见到果两只大虾就已经令人兴奋，大大只又有少少甘甜，另外既带子都好新鲜。小弟重点推介呢个黑松露忌廉汤，啖啖都系充满左黑松露既汤，每喝一口成个口腔都充满左黑松露既香味，可想而知三木真系落足料既跟住落黎就系厚烧牛舌同牛柳粒，牛舌厚得黎又肉质嫩滑，爽口弹牙，一啲都唔韧。最后系甜品方面，我就选择左樱花味既雪糕，嗅落去佢有少少既花香味，食落甜甜地同平时雪糕既甜味又有啲不同，我唔识用言语去形容