影片
更多
2023-11-05
359 浏览
星期日一家四口嚟试吓新场 八点零到场，见门口写住八点后入场有八五折，咁紧系满心欢喜咁走入去啦。间舖就无乜人，见门口有个四人座嘅卡位啱啱走，咪叫门口个经理帮手安排比我哋，我自问好好礼貌咁正常佢问，无奈个经理就唔系好有礼貌咁答。我果晚两大两细食咗千零蚊，我哋成家平时都非常细食，但系肉嘅份量绝对唔可能叫一两份够饱，我哋散叫2碟M4澳牛、5碟A5和牛、2碟猪、3个饭，埋单后再去食埋甜品先够饱。自助烧烤嘅食物质素就无咩高低架喇，所以无咩好讲，份量就真系细嘅，啱节食中嘅女人同小朋友。如果你去第二度，五六百蚊叫块扒系会食剩大半嘅话，嚟呢度啱晒。相反，如果一般可以食得晒一块扒嘅话，就唔需要嚟呢度，同一份量嚟计呢度会贵咗。食到九点半，个经理催埋单。因为打咗八五折，佢要我出去埋，关键系我其实就坐正喺门口位，同佢隔住一米距离都冇，唔知为乜，系都要我企出去先肯埋，全程黑面，无唔该，无多谢…奇奇怪怪咁。间餐厅摆明系低档扮高质架喇，但就算系普通茶餐厅，服务都好过佢。唔知系咪因为平时间嘢系全自助，个经理根本唔洗对客嘅关系喇…餐牌入面有啲餐系几十蚊，如果喺附近做嘢，午餐谂住一百几十蚊食几件和牛加碗饭，嚟呢度系无问题嘅
八点零到场，见门口写住八点后入场有八五折，咁紧系满心欢喜咁走入去啦。
间舖就无乜人，见门口有个四人座嘅卡位啱啱走，咪叫门口个经理帮手安排比我哋，我自问好好礼貌咁正常佢问，无奈个经理就唔系好有礼貌咁答。
我果晚两大两细食咗千零蚊，我哋成家平时都非常细食，但系肉嘅份量绝对唔可能叫一两份够饱，我哋散叫2碟M4澳牛、5碟A5和牛、2碟猪、3个饭，埋单后再去食埋甜品先够饱。
自助烧烤嘅食物质素就无咩高低架喇，所以无咩好讲，份量就真系细嘅，啱节食中嘅女人同小朋友。
如果你去第二度，五六百蚊叫块扒系会食剩大半嘅话，嚟呢度啱晒。相反，如果一般可以食得晒一块扒嘅话，就唔需要嚟呢度，同一份量嚟计呢度会贵咗。
食到九点半，个经理催埋单。因为打咗八五折，佢要我出去埋，关键系我其实就坐正喺门口位，同佢隔住一米距离都冇，唔知为乜，系都要我企出去先肯埋，全程黑面，无唔该，无多谢…奇奇怪怪咁。
间餐厅摆明系低档扮高质架喇，但就算系普通茶餐厅，服务都好过佢。唔知系咪因为平时间嘢系全自助，个经理根本唔洗对客嘅关系喇…
餐牌入面有啲餐系几十蚊，如果喺附近做嘢，午餐谂住一百几十蚊食几件和牛加碗饭，嚟呢度系无问题嘅，如果晚餐想洗多些少钱食好啲，要求番基本服务水准，就无谓嚟呢度受气喇。
张贴