犇道 (已搬遷) 新店位置

行到又攰又饿系时候揾食啦，经过见到呢间，食日式西餐，快啲试吓！呢度系主菜加$28有味增汤，汤够热。日本龙虾沙律，食落淡淡龙虾肉。日本汉堡蛋包饭，好大堆头，汉堡扒咬落好有口感，食到粒粒肉碎，仲好有肉味，蛋好滑，而且好够汁，正！厚烧鳗鱼饭配黑松露炒滑蛋，真系原条鳗鱼，好抵食，粒粒珍珠米，食落软绵绵有咬劲。松露酱烧带子，原粒大大只带子，鲜甜新鲜，食落好爽身！跟餐有甜品，系日本焦糖布甸，个匙羹好得意，成块胶布咁！跟餐饮品原价减$10，我哋叫咗热柑橘同冻朱古力。