孖沙茶餐廳 (已結業)

好彩唔洗排队，最后一张枱立即冲入去。 旧式装修 折枱圆凳，几张枱但人头涌涌入得呢个门口点会唔识孖沙三眼仔，「叉烧煎蛋饭今日仲有冇」， 冇错...一碟咁"简单"嘅饭唔系"我要"就有， 如果你认为简单你更加之错!!我都忘了食咗几多次闭门羹，先有机会食到呢味饭。𪠳，有乜咁特别?! 堆头够 、叉烧煎过、 三只立体连体太阳蛋重点在豉油，唔喜欢豉油捞饭/未食过就唔会明豉油最强作用。 情意结吧！名为男人的浪漫， 当然由男人食， 他低著头密密食密密食，嗯…好味好味。 应该只有男人才明白的味道😐油占多是小时的回忆，每一次嚟都会叫， 喺等饭嘅时间可以摄摄牙罅!! 就系钟意果堆果占一啲都唔孤寒，烘底要见到金黄色，外脆内软，食落先够爽!温馨提示 :卖晒就冇，唔好太晏去。